禽晚係第二次做有機facial, 真係好正呀! 第一次做完已經覺得成塊面好有光澤, 毛孔細咗, 到做完第二次, 塊面白咗, 唔同平時做完美白facial後o個種白, 而係將底層o既暗啞打散, 個種感覺真係唔同以往做開其他facial o既效果!!!
有機護膚品係香港越來越流行, 而facial 就暫時唔係咁多美容院有得做, 我做開個間因為引入咗, 所以第一次以試做價形式做睇吓效果. 全個過程用"有機"材料做, 成份天然, 全部由匈牙利入口, 每盒都細細枝, 因為要保持新鮮, 所以每次唔可以入大量貨, 成份例如有: 金盞花, 胡蘿蔔, 垂盆草, 玫瑰, 阿麻籽等, 多到已經唔記得喇! 洗完面同磨砂後, 要用辣椒來敷面, 佢哋叫"起底", 即係將底層毒素打散出o黎, 嘩! 好興o架! 成塊面會紅哂, 但唔會傷皮膚, 之後將抗敏精華素用機導入, 可以舒緩番, 就褪哂紅o架喇! 跟住再敷mask就完成了, 成個過程差唔多需要1.5小時, 所以就算好敏感o既皮膚都唔怕做o架!
大概做4-5次"起底"後, 可以轉其他有機療程, 例如著重保濕, 美白等, 而成份亦會因應當時皮膚情況o黎轉. 我join咗療程喇! 
雖然係貴啲, 無辦法啦! 女人去到某個歲數, 就更加要注意皮膚保養, 所以話賺女人錢真係好易o架!
雖然係貴啲, 無辦法啦! 女人去到某個歲數, 就更加要注意皮膚保養, 所以話賺女人錢真係好易o架!
