台灣影相之旅 ~ 第一天 ( Part 2)

台灣影相之旅 ~ 第一天 ( Part 2)

2008年4月16日下午7:06公開累積瀏覽 150

到達青樺, 雅玲負責serve我哋, 先帶我哋上禮服部選衫, 我要選2套白紗及3套晚裝, 而小馬就要選1黑1白, 所以我試衫先! 台灣選衫係無相簿睇, 一套套掛哂出o黎, 都好難選, 不過我大概講咗自己心水同唔喜歡o既顏色, 自己再去啲架度睇, 雅玲又幫我挑選.

我先試晚裝, 都試咗好多件呀! 最後選咗一件桃紅色low cut及粉紫色吊帶, 而另一件仲未有心水時, 雅玲問我著唔著黑色, 我話可以試, 但唔要傘款, 因為前兩件已經係傘款, 佢搵到一件黑色綢料, 著上去我好鍾意呀! 好elegant, 都襯我喎! 係studio影著呢件真係唔錯, 於是就要呢件喇!

至於白紗, 我想要一件傘裙 for studio, 而另一件要A-Line for外景, 我又係一件件白紗當中找! 我選咗幾件試, 最後選了一件係腰間有條金色花花扣o既腰帶白紗, 夠elegant, 而另一件就係背心款白紗, 佢哋話呢件個感覺好優雅, 適合外影用! 我選完之後, 度哂身, 就要等師傅即場改, 之後再試, 啱身先走得呀! 呢個時候, 就到小馬試喇! 男仔真係無mug選擇, 一黑一白都選關刀領, 感覺型啲呀!

全程試衫, 我都係著nu-bra o黎試, 佢哋幫我改得都好 fit身! 試完哂差唔多6:30 喇! 足足攪咗4個半鐘, 真係要多謝雅玲o既幫手呀! 雖然我哋兩個都好倦, 但都唔想咁早番酒店, 本來想去101, 但唔去住, 先去食碗牛肉麵先! 我哋去咗好出名o既"永康牛肉麵", 搭捷運出咗都要行好遠, 我建議搭的士去喇!

我要牛筋麵, 而小馬要半筋半腩麵, 個湯底好正呀! 食得出用咗好多材料烹, 而牛筋好淋身呀! 而牛腩係用牛展, 都好好味! 雖然食落有啲辣, 但以我怕食辣o既人, 都可以唔駛飲水呀!

另外要咗個 ~ 粉蒸排骨, 辣辣地, 底下有我至愛o既蕃薯呀!

食完我哋搭番的士去捷運站, 再搭捷運去"南京東路"站出, 轉搭的士去饒河街夜市, 呢條街好熱鬧, 好多食野o既攤販, 見到都好好味呀!

由頭行到尾, 終於見到我想試o既"福州胡椒餅"呀!

好多人排隊買, 睇到佢哋做餅o既過程, 真係用好傳統o既方法 ~ 用窰來烘, 唔怪得知個餅咁正啦!

我哋買咗一個o黎試, 好大個仲熱辣辣 tim! 裡面係豬肉, 又多汁, 個皮都好薄, 正!!!

之後買咗杯甘蔗汁及木瓜汁, 好好飲呀!

我哋真係要番酒店喇! 因為我仲要執定聽日影相用o既野, 又要敷mask, 第二朝要7:00到達青樺, 都係番酒店休息 lur!

• 情感關係,
• 愛情