好友預祝我生日@法國餐廳Riva

好友預祝我生日@法國餐廳Riva

2007年10月17日下午2:10公開累積瀏覽 2240

12/10 - 呢日食得好豐富呀! Lunch Time 我班同事同我食飯預祝生日, 我哋去咗"金煌庭"飲茶, 啲點心好好味, 尤其上海點心, 最尾食到好飽都要食埋個"高力豆沙", 好滿足呢! 放工後, 約咗我死黨係Park Lane Hotel到等, 我哋上去食法國菜呀! 呢到好 romantic, 有Live聽, 我哋仲book咗坐窗口o個邊, 睇到成個維港景色, 正!!!

法國餐廳 - Riva

食法國餐都預咗會食好耐, 食完一樣先再o黎一樣!

先o黎一份麵包, 如果可以再烘熱少少就更加好.

Appetizer - 乳鴒胸鵝肝批伴日式燒雞汁啫哩,青豆角及鮮白菌沙律配青蘋果醬(包多士)

中間深色個啲就係乳鴿, 白色係鵝肝醬, 啲鵝肝醬好好味, 最perfect係用o黎搽多士, 我哋仲柯打多份 tim! 略嫌面頭o既燒雞汁啫哩有啲腥! 我哋食唔哂呀! 因為鵝肝醬食得多都幾膩!
Soup - 波士頓龍蝦清湯伴雜菜丸, 薯蓉粉糰及雜海鮮串

我同死黨兩份, 你哋睇! 我呢碗份量都好多呀! 個湯比較清, 幾啱我! 最特別係裡面啲薯蓉粉糰, 唔會好"林", 旁邊個串就係海鮮串, 有蝦, 帶子, 青口及三文魚, 我死黨唔食, 梗係落係我個胃度啦! 哈哈!!!
Main Dish - 脆香法式雲吞皮包三文魚伴炒雜菌及香蒜薑味意大利飯配牛仔汁

咬落外皮脆脆地, 裡面啲三文魚好嫩, 唔似平時食開o個啲咁實, 我仲食咗兩舊tim! 反而我對個意大利飯麻麻地, 因為太重牛油味同埋意大利米比較硬, 我覺得口感怪怪地, 我死黨就勁鍾意, 所以其餘由佢包銷 lur!
Dessert - "Valrhona" 朱古力薄片伴朱古力慕絲及脆脆片配白朱古力咖啡雪糕

食完咸野, 點少得我哋至愛o既dessert呀! 本來想柯打珍寶梳乎厘, 但經理話味道一般, suggest我哋食朱古力雪糕個dessert, 於是就聽佢講柯打咗! 嘩! 賣相好靚, 有心思! 啲朱古力好好味, 加埋裡面啲脆脆片, 仲正! 個雪糕係咖啡味, 好點! 一問個waiter, 原來係我至愛o既 Haagen-Dazs 呀!
Bonus - 牛油及香蕉味cake + 兩片"Valrhona" 朱古力

多謝餐廳送俾我哋, 我食咗右邊個香蕉味cake, 我死黨仲俾哂兩塊朱古力我, Yeah!
今餐可以慢慢食, 慢慢傾, 又可以享受到咁正o既環境同美食, 所以食得好開心, 好滿足呢!
懶惰: 多謝哂!

• 情感關係,
• 愛情