今年2月跑完10K, 經公司報名參加工商盃, 嘻! 我係唔駛俾錢, 公司終於係5/12 頒發番張証書, 真係等到頸都長, 其實當日主要頒發公司股票予做滿20年0既員工, 我0地只係順過便.
大多數都係分店員工, 我阿head都有份呀! 我真係好佩服佢哋係公司做咁耐, 好有歸屬感, 自問我真係未必得.
今日由主席陳生頒發, 到我出去領獎時, 先與陳生握手, 佢仲話我犀利可跑哂, 其實10K已經係好普通, 我同事仲勁跑全碼, 佢今年0既成績好過上年, 渣打頒多張進步獎証書俾佢, 我都好想出年跑得快啲攞到呢張Cert, 我一定會努力0架!
講番我今年成績, 個人時間- 1:02:28, 我真係唔滿意, 好想係一個鐘內完成, 唔該個"橫格膜"爭氣啦! 唔好跑到咁上下又痛. 公司醒我哋運動用品Gift Voucher共$300, 唉! 呢份獎品真係麻麻地, 唔係咁用得著, 之前講過話有$300現金獎, 到依家轉咗coupon, 真係激死人!
