上個星期六(2/12)專登走去海港城碼頭, 為了一暏仿照二百多年前沉船製造的瑞典"哥德堡號", 去到差不多天黑, 諗住可以上船參觀, 點知原來要攞飛先上到, 咁啲飛梗係一早派哂啦! 唯有係出面望吓, 影吓相, 都有好多人喎! 我覺得隻船比較殘舊, 唔知係特登做成咁定係經歷咗一段旅程而變成咁? 其實最主要原因令我想去睇係我有個同事隨船去上海及廣州再番香港, 佢係4個香港人當中一個, 每日"都市日報"都會報導佢0地每日所做0既工作及餐單, 上到船唔係好似去麗星郵輪咁享受, 而係要工作, 體驗航海員0既生活, 俾我真係做唔到, 好佩服佢呀!
0個晚係尖沙咀, 見海港城出面(即大電視個位), 已經佈置哂聖誕0既裝飾, 見太多人係度影相, 特別係"One2free", 我唔想做人肉佈景板, 所以只係影景唔影人!
沒有留言:
張貼留言