好難得"強國"有飛, 我個friend又去唔到, 但我真係好耐無見家強, 唯有禽晚自己去TVB睇啦! 其實我知去到一定唔會"正", 無得影相, 諸多限制! 準時七點去到九龍塘集合處, 今晚計埋有13個"粉絲", 入到TVB電視城錄影廠, 我0地坐係下面第三及四行, 算前喇! 今晚節目會係聖誕節播出, 所以現場佈置得好有聖誕氣氛, 仲派聖誕帽及吹氣棒俾我0地, 知到呢個節目要係無線收費電台先睇到, 我先至唔怕被拍到上鏡.
大約八點半, 阿B出0黎喇! 第一次見佢真人, 好高呀! 都好型喎! 仲keep得好好. 開始唱歌喇! 等咗好耐, 想快啲見到家強, 阿B唱咗一首歌後入去換衫, 唱兩首又入去, 嘩! 咁要等幾耐先拍完呀! 佢真係不停換衫, 佢話買咗啲新衫要著俾我0地睇喎! 阿B唱吓新歌又唱吓舊歌, 都好聽0架! 佢又帶得起個氣氛, 雖然成個節目以國語頻道進行, 但我都好易聽到.
到九點半左右, 我期待以久0既家強終於出0黎喇!
我好開心呀! 想即刻走埋佢度, 佢企係台下面等出場, 阿B上台唱"海闊天空", 仲有落雪0既效果0添! 唱完一段家強上台接駁落去, 我0地一路舉牌一路跟住唱, 到第二首歌, 阿B話想同家強唱"歲月無聲", 終於有首Rock歌jam吓, 今日佢無攞支Bass 0黎, 好似爭啲0野, 我諗佢都會覺得唔自在, 好開心家強再獨自唱一首歌"繼續沉 ", 到家強落台, 同佢揮手, 仲同佢講"好耐無見呀!" , 跟住佢行過0黎打招呼, 我話:"家強唔好走住, 同我0地傾吓計先啦!", 但佢話重要趕下場, 要走喇! 仲叫我0地 enjoy the show, 無你點 enjoy喎! 0黎呢度都係為見你咋! 不過無辦法啦, 唯有同佢講 Bye Bye! 希望好快可以再見到佢啦! 今日見家強, 見佢無之前係報紙上咁肥, 可能佢減緊肥呀! 佢真係一個易肥易瘦0既人.
我好開心呀! 想即刻走埋佢度, 佢企係台下面等出場, 阿B上台唱"海闊天空", 仲有落雪0既效果0添! 唱完一段家強上台接駁落去, 我0地一路舉牌一路跟住唱, 到第二首歌, 阿B話想同家強唱"歲月無聲", 終於有首Rock歌jam吓, 今日佢無攞支Bass 0黎, 好似爭啲0野, 我諗佢都會覺得唔自在, 好開心家強再獨自唱一首歌"繼續沉 ", 到家強落台, 同佢揮手, 仲同佢講"好耐無見呀!" , 跟住佢行過0黎打招呼, 我話:"家強唔好走住, 同我0地傾吓計先啦!", 但佢話重要趕下場, 要走喇! 仲叫我0地 enjoy the show, 無你點 enjoy喎! 0黎呢度都係為見你咋! 不過無辦法啦, 唯有同佢講 Bye Bye! 希望好快可以再見到佢啦! 今日見家強, 見佢無之前係報紙上咁肥, 可能佢減緊肥呀! 佢真係一個易肥易瘦0既人.
我0地要等錄哂影先可以走, 跟住阿B又出0黎唱歌, 到十點溫拿出場, 我都係第一次見佢0地, 都好有阿倫見, 話哂讀小學時都鍾意過佢, 溫拿唱吓經典歌, 到最後仲一齊唱聖誕歌, 落埋雪, 都好有氣氛0架! 終於等到完場喇! 都成十點半, 去親tvb都會有啲0野食拎番走, 跟住搭免費巴士出調景嶺mtr轉車番屋企, 但呢個時候我知我個肚打緊鼓, 要番屋企叫阿媽煮個麵俾我食先!
